المصري كيدز.. «حدوتة» الحلقة الثانية: جزيرة الصلاة

المصرى اليوم 0 تعليق ارسل طباعة تبليغ حذف

لمتابعة اخبار المرآة .. اشترك الان

بعد ما فواز أخد حرف الراء والمصحف معاه وعرف إن اسم الباب رمضان قعد يقدف ويغنى جايلك جايلك يا رمضان بالقرآن وحرف الراء بدأ يقرأ فى القرآن وهو مبسوط ومستمتع بيه وحس أد إيه إنه مرتاح وإنه مطمن إن معاه القرآن اللى لو تاه هيدله على طول على الطريق وفضل يقرأ يقرأ لحد ما وصل عند آيه بتقول «حافظوا على الصلوات والصلاة الوسطى»، قال فواز أنا أول ما أنزل على الجزيرة الجايه أول حاجة هعملها قبل ما أدور على الحرف إنى أدور على مسجد وأصلى فيه.

وفعلا أول ما وصل الجزيرة لقى مسجد أبيض وجميل وله مئذنة طويلة جدا. دخل اتوضى وكان فى مجموعة من الناس بتصلى صلى معاهم وبعد ما خلص حس إنه تعبان ومحتاج يريح شوية عشان يقدر يقوم يدور على الحرف، طلب من شيخ الجامع إنه يرتاح فيه شوية وقاله أنا جاى من سفر بعيد ممكن أرتاح فى المسجد شوية رد عليه الشيخ طبعا ممكن أنا مبسوط وفرحان بيك جدا إنك على صلاتك محافظ قاله فواز أنا قريت فى القرآن عن آية عن الصلاة وإن إحنا لازم نحافظ عليها ونصليها فى وقتها.

فرح جدا الشيخ وقاله ما شاء الله عليك وخليك واثق إنك طول ما معاك القرآن وعلى الصلاة محافظ هتكون مبسوط، توعدنى يا فواز إنك على صلاتك تحافظ قاله أوعدك أكيد.

فرح الشيخ وقاله ليك عندى هدية خد منى حرف الميم.

طار فواز من الفرح وجرى على المركب بتاعه وبدأ يقدف ويغنى ويقول جايلك جايلك يا رمضان بالقرآن والصلاة. جايلك جايلك يا رمضان بالقرآن والصلاة لحد ما راح فى النوم وهنشوف هيعمل إيه فى الجزيرة التالتة.

أخبار ذات صلة

0 تعليق